吳雨霏米蘭睇騷低胸晒腿

吳雨霏（Kary）於米蘭時間2月28日在當地欣賞《Emilio Pucci 2015秋冬騷》，低胸穿短褲騷長腿的她表示，在當地逗留了數天，每日也忙於拍攝：「影相都係戶外為主，又要着得好薄，都幾凍。而且每日都要睇騷，冇時間買嘢，但最後一日有空檔，希望有時間行街，見乜買乜。我返香港之後兩日又要飛台灣錄音，都Keep住忙。喺米蘭都會影好多相做宣傳，難得飛到咁遠，有乜影乜。」而Kary睇騷時所穿的外套背後有個趣致的公仔圖案，吸引多位時裝攝影師「影後」。Kary坦言食意大利粉食到滯，返港後要飲媽咪煲的靚湯。新婚的她指與丈夫每日一電，她說：「點都要報平安，去到咁遠做嘢。」日前有份欣賞Fendi時裝騷的她，因未能與品牌創作總監Karl Lagerfeld合照而感到可惜。提到今年首次以人妻身份派利是，是否因新年在米蘭而慳番不少，她說：「好多朋友話新年之後都會Keep住派利是，已經約咗朋友返香港之後食飯團年。」