周潤發主演的《賭城風雲II》舉行慶功宴，電影公司「派錢」之餘，發嫂及王晶更即場「加碼」，炒熱氣氛。發哥抽中文凱玲得一萬元獎金，文凱玲開心地說：「發哥抽獎先後3次都抽中我，佢講笑話再咁落去畀我做小三喎！」

發哥抽獎送錢，全場歡呼。

發哥（左起）、陳百祥與家輝抽獎，得知助手中獎後，家輝十分興奮。

冇約發嫂飲茶的王晶送「金飯碗」補數。

文凱玲與蔡一傑「集郵」，發哥以手機自拍。

陳百祥財神上身，準備抽獎。

盧惠光（左起）、發哥、家輝、樂易玲與劉偉強舉杯慶祝。

發哥、張家輝及劉嘉玲等主演的《賭城風雲II》前晚舉行慶功宴，票房大收10億港元在望，故電影公司豪花80萬元抽獎「勞軍」，筵開30席鮑魚海鮮奉客，入場人人有封大利是，皆大歡喜。

除每枱有3,000元枱獎外，大會更設有多個現金抽獎，由2,000元至數萬元不等，絕對是抽獎抽到手軟。期間發嫂及導演王晶臨場再將部分獎金「加碼」，令全場歡呼。

家輝抽中經理人

抽獎禮物包括智能電話、電腦及飲食禮券等，一眾藝人包括「晶女郎」文凱玲、蔡一智及蔡潔等紛紛獲獎，文凱玲由發哥手中接過一萬元獎金時開心到跳起：「其實發哥抽獎先後3次都抽中我，佢講笑話再咁落去畀我做小三喎！」而張家輝負責抽獎時，抽中經理人鍾珍，其助手亦被陳百祥「抽中」，結果被「質疑」造假，全場大笑。

發嫂收金飯碗

王晶席間為發嫂製造驚喜，捧出一套金飯碗送贈對方，他說：「話咗要約發嫂飲茶，講咗咁多年都約唔到，送金飯碗畀佢補數。」至於「自拍神」發哥不斷被「集郵」，紛紛要求合照，一向親民的他有求必應，並以智能電話自拍，氹得大家笑容滿面，似乎比遇見財神還要興奮。