o靚模組合冬甩成員金慧君（金金）先後穿上兩套性感賀年服飾，手執揮春及金元寶向各位讀者拜年：「祝大家好似我個名咁，有咁多金，賺個盆滿缽滿！我都想可以發個橫財！」金金希望盡快認識到理想男友早日結婚，年僅20歲的她說：「其實我唔細o架喇！屋企人都比較傳統想我早婚。（想羊年結婚？）又唔使咁急，希望今年搵到對象，拍拖年幾、兩年就結婚！（想嫁個有錢人？）又唔使！之前識過個富二代，印象麻麻，最緊要溝通到同屋企人鍾意！」

年僅二十歲的金慧君希望羊年覓得良緣，盡早結婚。

身為山東人的她表示每年新正頭，家人一定會包餃子慶祝：「會放唔同餡料，有啲會放硬幣、花生同蜜棗，食到硬幣就代表會發達！另外，新正頭我哋唔會熄燈瞓覺，因為財神爺見到光先會入我哋屋企。」談到大計，已推出兩次寫真的金金希望有機會拍電影，最想拍宮廷片。