廣告新貴邱美薇（Chelffy）、可嵐、黃穎君（Burmie）及黃毅進日前相約於天后食開年飯，更「豪擦」鮑魚及金蠔等貴價菜！談起羊年願望，恨拍拖的Chelffy獲「高人」指點可於今年訂婚：「解籤師傅第一句就話『你今年可以訂婚喎』！（有對象？）選擇中，對象最緊要對我好！」將於今年下嫁圈外男友的Burmie驚爆在籤文上出現「婚不合」的語句。

黃毅進（左起）、可嵐、黃穎君及邱美薇齊齊大擦鮑魚等貴價菜！

走出婚變陰霾的可嵐則自爆會帶兒子到前夫家拜年：「依家（同前夫）關係Nice咗，大家放低咗憤怒。」重新出發的她打算動用逾百萬元打造靚景咖啡店。