王宗堯前日傍晚6時許相約兩名女藝人關宛珊及陳雅麗在中環飲咖啡傾偈,同行還有一名靚仔,一行四人細聲講大聲笑,王宗堯更是風度十足,不時攞飲品及餐具做阿四,及至除下外套時被發現和陳雅麗同樣穿間條衫,甚有情侶Feel。

王宗堯與陳雅麗穿間條情侶裝,與關宛珊在中環飲咖啡傾偈。

王宗堯昨日出席活動被問到為兩位靚女做阿四,他表示大家認識多年,趁新年敍舊,至於有否機會發展,他說:「做嘢就有機會,其他就冇喇!佢哋兩個都有男朋友。」他透露新年去了泰國曬太陽避年,回港始和家人吃飯兼派利是,坦認今年利是有加碼。至於其老闆蕭定一有意找袁嘉敏拍三級片,他說:「我都係睇新聞咋。」講到袁嘉敏不時辣着火頭,他笑說:「咁我要小心啲答,佢好識做出自己嘅形象,同佢合作都唔反對,希望佢唔好得罪人啦,自己都會小心言行。」