「警鐘胸」模Jessica C.前晚出席所屬模特兒公司舉行的新春團拜，以密實貼身裙示人的她被問到今年是否收起性感，她說：「想有個唔同嘅Style。（係咪性感要問准男友？）唔係，佢唔介意我工作上性感，好支持我，好Sweet。」問到農曆新年可有跟男友安志杰家人見面，她稱有透過視像電話見面，又指男友經常為她下廚炮製美食：「佢煮啲嘢食好健康。（你屋企人有冇催婚？）如果我結婚媽咪都會好開心，不過我唔急，我想要驚喜。」

JC冧笑指男友非常支持她工作上性感，So Sweet！