蔡思貝在《衝線》首次擔正「女一」,是劇中唯一女演員要拍攝踩單車戲份,事前花了不少時間練車,但運動型的她覺得拍攝單車戲並不辛苦:「最難係喺香港練習平衡,因為比賽單車雙腳係扣實腳踏,練習跌過好多次,手腳都瘀晒,但去到台灣已經好熟練人車合一。」

為了演好女車手的角色,蔡思貝事前花了不少工夫。

要數印象最深的踩單車場面,一定是在台灣拍攝衝線高舉雙手的一刻,她說:「當時台北啱啱開始打風,連啲專業車手都話大風好難做到呢個動作,最後都好開心順利完成,希望觀眾感受到我哋披風抵雨拍攝踩單車場面嘅嗰份熱血。」劇中與羅仲謙有咀戲的蔡思貝說:「喺台灣拍嗰陣大家己經熟落咗唔尷尬,拍咀戲嗰陣佢好大陣蒜頭味,原來佢食完蒜頭炒菜先嚟錫我,仲講笑話特登嘅!」