吳若希在青春劇《衝線》將螢幕初吻獻給羅仲謙，但拍攝時因心情緊張而咀得太快，被導演要求再咀，她笑說：「導演話我錫得太快，要求我錫耐啲。」另外，劇集不惜工本到台灣拍攝刺激的單車比賽及浪漫的愛情場面。

吳若希與羅仲謙於新劇飾演情侶，當然少不了談情戲。

除了與吳若希咀嘴，羅仲謙亦和蔡思貝有不少對手戲，認真艷福無邊！

羅仲謙為考得會計師牌而不想分心拍拖，即使對吳若希有好感亦未敢作進一步行動。

無綫食住單車熱開拍的青春劇《衝線》下周一首播，羅仲謙與吳若希同在會計師樓工作，一個是會計師，另一個演秘書，由米雪撮合二人成為情侶，但羅仲謙因家庭及事業包袱，希望先考得會計師牌而不想分心拍拖，故未有進一步行動，令似有還無的曖昧關係生變。

咀溫家偉唔尷尬

首次拍劇的吳若希將螢幕初吻獻給羅仲謙，但拍攝時導演卻嫌她咀得太快要求重拍，吳若希笑說：「拍咀戲當然緊張，唔知點咁，個Timing都掌握得唔準，導演話我錫得太快，要求我錫耐啲，怕醜吖嘛！之後習慣咗就冇嘢。」除了將螢幕初吻獻給羅仲謙，吳若希還要與溫家偉拍咀戲，她說：「同溫家偉咀好彩佢鬼仔性格，又識搞笑，所以拍嗰陣都唔尷尬。」

第一次開工壓力大

吳若希由歌星踩入電視圈，事前花了一個月時間睇劇本準備，但想起第一次入廠開工，心情也十分緊張忐忑：「第一次開工嘅對手就係前輩米雪姐，好大壓力，好彩拍得順利，自己都估唔到咁快適應。第二日開工已經舒服好多，同埋套劇大家都拍得好快手，幾乎每日開工都早收。」吳若希於劇中演秘書，不用拍攝踩單車場面，但她看見羅仲謙、蔡思貝及沈震軒等付出的汗水也戥他們辛苦，並笑言慶幸不用拍攝踩單車場面。