譚詠麟（阿倫）為慶祝入行40周年，舉行一連十三場演唱會，踏入羊年，他將展開30場世界巡迴演唱會及7場《左麟右李巡迴演唱會內地站》，以每場150萬歌酬計，唱足50場的阿倫於羊年榮升吸金之神穩袋7,500萬！

城城擔任阿倫的個唱嘉賓，大跳勁舞。

阿倫與城城於台上搭晒膊頭有講有笑。

王晶夫婦專誠捧阿倫場。

阿倫踏入羊年便密密開騷搵銀，榮升吸金之神！

阿倫獲徐小鳳捧場，齊齊豎起手指讚好。

阿倫一連十三場《銀河歲月40載》演唱會昨晚於紅館圓滿結束，「年年25歲」的他隨即為與好友李克勤合作的《左麟右李巡迴演唱會內地站》綵排，並將在三月至六月期間到內地多個城市舉行七場個唱，踏入七月更將展開個人的《銀河歲月40載世界巡迴演唱會》，當中包括內地、美加、澳門及東南亞站等合共30場，一直唱到2016年。

有機賺成億

據知阿倫現時歌酬高達150萬一場，單計以上合共50場演出，他將成為羊年吸金之神，保守估計最少穩袋7,500萬！若檔期許可加場及加站，大有機會賺近億元！

另外，阿倫前晚邀得「舞台王者」郭富城任第十二場個唱嘉賓，吸引陳百祥、黃杏秀、袁詠儀及徐小鳳等捧場。

城城墮「陷阱」

阿倫先與城城邊唱邊跳《愛情陷阱》，喪扭的阿倫High到脫去外套，城城笑言「細細個」便聽校長的歌：「校長係我一生嘅學習對象。」隨後大談足球經，阿倫說：「我哋係晨曦明星球隊嘅左右中鋒。」城城之後獨唱《狂野之城》，掀起全晚高潮，早前在內地拍攝電影的他更重演戲中的孫悟空角色，並笑問觀眾：「似唔似？」