徐肇平封杏兒做女神

藝人黃淑儀兒子徐肇平與佘詩曼昨日到澳門出席《GEORG JENSEN 澳門威尼斯人專門店揭幕儀式》，在溫哥華長大的徐肇平表示今年是首度留港過年，問到可有被家人催婚？他表示現階段以工作為主，但亦有心儀的對象：「其實我嘅女神係胡杏兒，喺活動上都有見過幾次面。（但佢名花有主？）冇所謂，有機會都想同佢合作。（飾演情侶？）想拍嘢同廣告。（親熱戲？）OK，做呢行都唔會介意。（叫媽咪幫手？）我問吓佢，叫佢安排吓。」問到工作新計劃，他表示將會推出烹飪書，主要介紹健康西餐，但未敢自稱是廚神。