婚後過了兩年二人世界的堪輿學家李丞責與太太劉倩婷（Sandy），羊年終定下造人大計，談及新年願望時，同聲表示想生BB！Sandy說：「梗係想建立個Full Member家庭啦！有時見到老公咁忙都心痛，所以想快啲整個BB畀佢玩，分散吓佢注意力！」兩人更有共識生猴年BB：「因為老公屬猴，而羊就同我相沖。」Sandy更一早準備兒童碗筷，希望催旺人丁！而李丞責則自爆為仔女諗定名：「都頭痛為小朋友改咩名好，因為《康熙字典》入面嘅字都差唔多用晒，剩番啲大家唔識讀嘅字。」

李丞責與太太Sandy一早買定兒童碗筷，準備積極「造人」！