陸詩韻昨日穿上Tube Dress到銅鑼灣出席美容品牌新店開幕，她說：「今日係成個月最好嘅一日！（研究埋堪輿命理？）唔係，中國人嘛！屋企人又做生意，會睇呢方面嘅嘢。（介意大會新聞稿以你同前男友吳銘偉分手嚟介紹？）唔介意，我好善忘，只會聚焦眼前，我每年都希望過得比上一年好，過年都有工開就係好兆頭啦！」她又提到弟弟快將爬頭結婚：「依家都冇分爬唔爬頭，不過做大姑奶有好多嘢學，買龍鳳鈪、戒指有好多學問，我呢排就研究緊呢啲！（對感情有咩展望？）隨緣！新年希望身體健康，事事順利，搵番個如意郎君！」

陸詩韻出席美容品牌的新店開幕，為小朋友化妝。