「Cool魔」張智霖竟「Cool」不過韓國當地的寒冷天氣！參與內地真人騷的張智霖日前與老婆袁詠儀挑戰江原道冰點低溫，落水捉魚兼劈冰，凍得指頭發麻。他又與田亮等人超額挑戰「冰河」，令他相當難忘。

靚靚在低溫下徒手捉魚，凍得騰騰震！

靚靚「大發雌威」劈冰，認真厲害。

捉完魚，Chilam又親自炮製，睇見都流口水！

Chilam挑戰「冰河」，少啲忍耐力都唔得！

Chilam蹲在雪地上生火。

張智霖（Chilam）與袁詠儀（靚靚）日前在內地節目《一路上有你》中，由韓國男團Super Junior成員金希澈帶領下走訪韓國江原道，二人在零下低溫中挑戰在魚池徒手捉魚及劈冰，凍得騰騰震！

難忘挑戰「冰河」

幸得靚靚大發雌威完成任務，足夠眾人飽餐一頓。但在鏡頭後，Chilam自爆表現與靚靚不相伯仲：「今次佢喺鏡頭前做女漢子，其實背後我都捉唔少，畀佢威吓！但因為宗教問題，我哋捉完魚都放生，最後係食公仔麵。」雖然身為「Cool魔」，Chilam亦坦言難敵當地的寒冷天氣：「凍都唔緊要，第一次體驗到啲手指凍到神經痛，不過觀眾開心就得！但返嚟發現手指有時會痹，可能要睇醫生檢查。」但在這種天氣下，Chilam竟與田亮、赫子銘及希澈接受了一個非人任務！他說：「其實當初喺北京記者會度，知道同田亮一樣8月27日生日，就覺得大家好有緣，仲約埋要一齊去跳水。今次嚟到『冰河時期』，當然唔放過機會啦！我哋仲加碼挑戰喺冰水忍耐30秒，今次可以話係超額完成任務，為香港爭光！」

首次到訪這個浪漫冬國，當地風景令Chilam着迷，他笑說：「去咗好多郊區景點，有啲仲係韓劇地標，問咗司機拎卡片，希望好快又可以帶靚靚嚟放假啦！」