成龍心急赴台會祖名

成龍與奧斯卡影帝艾哲倫保迪及尊古錫主演的《天將雄師》，大年初一於內地上映，以1.16億人民幣（下同）成為單日票房冠軍，更是唯一票房破億之作！截至前日，該片的內地票房已累積至3.37億，暫於賀歲檔票房稱霸，身處重慶宣傳的成龍昨日聽聞好消息後興奮地說：「不枉去咗咁多地方宣傳，啲演員都好辛苦，希望其他電影都一齊收得，咁就皆大歡喜！」他昨晚在內地完成電影宣傳活動後，發文答謝粉絲支持：「雖然拍戲時的苦都不是人受的，但電影就是這樣，你多認真對它，它就多認真對你。」他又呼籲粉絲勿再送食物！談到祖名獲釋至今尚未見面，他對兒子的行蹤瞭如指掌，並指祖名身在台灣：「佢有打嚟拜年，都係長話短說。（唔心急見個仔？）聽日去埋長沙，之後就會去Join佢哋一齊過年！（安排祖名去美國讀導演課程？）冇！佢幫我搞緊張唱片，我仲有五首歌未錄！」至於其他賀歲片內地累積票房，《狼圖騰》1.99億、《鍾馗伏魔:雪妖魔靈》1.92億、《爸爸去哪兒2》1.27億、《衝上雲霄》7,770萬。