發哥今年行山度新春,過得輕鬆寫意的他多次被Fans在山頭「捕獲」合照!回想起兒時在南丫島的農曆新年,他表示會放炮仗及幫家人炮製大量糕點派街坊,相當熱鬧:「啲年糕成個大鑊咁蒸,仲有角仔、紅豆糕、蘿蔔糕,成幾十斤,當時冇咩好食,呢啲食到五月初五o架喇!以前生活環境貧窮,冇依家咁大魚大肉,過年先捨得劏一隻豬,平時連雞都少食,多數係白飯同菜,所以新年食得零舍開心!」提到當年的傳統習俗,發哥表示要拜神、拜天地及只可講吉利說話,問到兒時是否口甜舌滑想(才豆)更多利是?他笑說:「唔會啦!利是都係得斗零一毫子,淨係夠買糖食,買唔到啲咩,而且都係阿媽收埋晒,唔會畀你拎得到!」

回憶起於南丫島的童年時光,發哥最難忘與家人炮製糕點派街坊!