羊年伊始，粵劇名伶龍劍笙（阿刨）憶起昔日與師傅任劍輝的過年點滴，阿刨每年都會在排戲後到任姐家中斟茶食飯，任姐派利是更是一視同仁。

阿刨笑說當年最愛到任姐家拜年。

阿刨拿着金元寶，笑得開懷！

阿刨與後輩李沛妍和鄭雅琪齊齊拜年。

每逢新春，阿刨都會憶起和師傅任姐過節的片段，她接受本報專訪時表示，當年過年第一件事，就是拜會任姐(逗)利是，她說：「以前過年前會忙住排戲， 任姐年尾生日，我哋會盡快排完戲，就拿拿聲去斟茶食飯，跟住又去再排，第二朝就去搵任姐(逗)利是，年年都係咁開心！」

仙姐清楚喜好

身為任姐的得意門生，大家都以為阿刨的利是必是最大封，但她卻說：「唔會，任姐好公平，一視同仁，個個都錫！」問到任姐過年最喜歡吃甚麼？阿刨笑說：「問仙姐（白雪仙）啦，佢最清楚！」

回春功養生

談到最愛吃的新年小食，阿刨表示以前因要Keep住靚聲，錯過了很多美食：「後生因為要做戲，所以唔可以放肆食煎炸嘢，辣嘢我又唔受得。依家食得喇，就年紀大唔食得，硬係同美食擦身而過，不過睇見人哋食都好開心，唔使一定自己食！」談到養生之道，她表示全靠松哥劉松仁：「松哥教咗我幾招回春功，要日日練！」