在內地成為搶手貨的黃宗澤近半年忙於拍劇搵「人仔」，但新年不惜放棄登台賺錢的機會，選擇放假陪父母，共敍天倫！最近為拍劇操得甚弗的他，更將肌肉照傳給張家輝挑「肌」！

黃宗澤親手製作海鮮拼盤賀年，寓意新一年豐衣足食。

Bosco不惜推掉七位數的商演，留港陪父母過新年。

張家輝

黃宗澤（Bosco）剛完成拍攝內地劇《偏偏喜歡你》，在劇中有不少騷肌場面，所以要戒口，亦要做Gym操弗：「磅數上係近年最輕，我都影咗張相畀張家輝，話追近佢少少，佢答我仲差啲！」

努力求桃花

在農曆新年，Bosco不惜推掉7位數字的內地商演，留港休息兼陪父母過年及旅行。提到「前度」胡杏兒與新歡Philip Lee蜜運中，他說：「祝福佢，搵到啱嘅拍拖好正常！我就要努力啲，都想搵個鍾意嘅，但開工冇時間，比較難識人。」

自製拼盤有衣食

此外，他早前到在九龍城開設的蠔吧打點，並親手製作海鮮生蠔賀年拼盤，寓意新一年豐衣足食攞足意頭！蠔吧生意理想，他透露不少朋友都提議到內地大展拳腳：「香港暫時唔會再開，有朋友提議喺上海開，但要慢慢研究吓，做生意要親力親為，唔急得。」他又透露下半年會返無綫拍劇。