華納「一哥」周柏豪與「一姐」官恩娜（Ella），聯同一班師弟妹連詩雅、Dear Jane、AOA及陳詠謙向《太陽報》讀者拜年！Ella去年加入人妻行列，羊年希望盡快與混血醫生老公覓得愛巢，享受新婚生活：「依家仲未搵到地方，如果要一齊住，共用空間呢個問題要諗，因為我好霸道，可能只畀佢用一個櫃桶，其他地方都係我嘅！」

剛成人妻的Ella新一年覓愛巢，不過搞笑話要霸晒全間屋！

柏豪直認想成家立室，已經開始計劃！

華納一眾歌手舞獅賀歲！

而一直與圈外女友Stephanie感情穩定的柏豪亦有意成家立室：「我一定會Plan，我都係傳統嘅人，想有美滿屋企，希望父母開心。（認定對方？）一齊咗唔係一段短時間，大家有默契啦！」但去年樂壇成績不錯的柏豪表示要將婚事押後，一切以工作為先，努力搵錢。