去年「五料視后」佘詩曼再創事業高峰，攞獎攞到手軟，更成為各大客戶的指定目標，她因而荷包腫脹，絕對足夠過肥年！忙於宣傳賀歲電影的阿佘日前品嘗賀年菜，對名為「撈起」的菜式尤其感興趣，更在混醬期間唸唸有詞，祈願羊年繼續風生水起！

阿佘想由公仔箱轉戰影壇，挑戰演技。

阿佘品嘗「撈起」，祝大家風生水起！

難忘蒙古度新歲

談到新年安排，阿佘表示會留家與家人自製蘿蔔糕及油角等，更會換定新衫收利是：「年初一多數親戚嚟先，爸爸係大仔。（你唔使派？）我只派開工利是畀契仔同契女。（今年派利是加碼？）年年都加啦！都有派到6位數字，仲派到十五。」又稱在內地度歲最難忘：「試過喺蒙古拎隻羊出嚟燒，仲有人跳民族舞，好喜慶！」

對於羊年展望，阿佘搞笑地表示希望繼續喜氣「羊羊」，又直言對踩入影壇一事虎視眈眈：「真係希望可以喺電影圈試吓發展。（擔心電視形象太入屋，好難吸引電影觀眾？）呢啲都係導演同形象設計各方面去處理，相信要創造嘅唔太難。（電影想演咩角色？）仲有好多未試過，演過係難啲突出，不過都試吓！」

問到成為五料視后後是否身價暴漲？阿佘笑言已經「唔可以再加」：「等公司安排，咁的確係多咗好多Job。（再買樓？）都會嘅，其實我買樓未平過，只係樓價不停升，我就叫賺咗，之前試過喺內地買樓，但賺咗就走。」