安仔食住上 奸招再爭帝
出爐視帝郭晉安及視后佘詩曼去年各領風騷，在頒獎禮大放異彩。踏入羊年，期望延續氣勢的兩人品嘗賀年菜式「撈起」，寓意繼續撈得風生水起！身價已創新高的阿佘笑言「唔可以再加」，更有意在影壇大展拳腳。安仔則明言將養精蓄銳儲齊作品，明年再戰「視帝」！
安仔準備了六位數派利是，認真豪氣！
安仔表示開始教仔女儲蓄，更會嚴父上身扣零用。
日前「三屆視帝」郭晉安，趁踏入羊年到深水埗狂擦「撈起」等賀年菜式以繼續催旺運勢！他不諱言「封帝」後不停接Job，得以過肥年：「計埋登台同廣告都有十個、八個（工作），（豬籠入水？）搵錢梗係開心！」人氣爆燈的安仔自爆日前於新加坡登台，喜獲五千人齊賀「登基」。問到屢獲恭賀的他會否「加碼」封利是？安仔豪氣地表示預備近六位數字，狂派逾百封利是：「我每年都差唔多預六位數去派，我本身間食品公司有幾百個員工，開工利是都過百封啦！」
嚴父教仔女儲錢
顧家的安仔表示會帶家人四處拜年，更搞笑感謝一對仔女「幫助」：「好在有對仔女幫我收番啲！（生多個幫補？）一個『好』字已經受歡迎！（再追？）同太太（歐倩怡）共識咗會睇緣分！」他自爆開始教仔女儲蓄，更會嚴父「上身」扣零用：「畀佢知道要付出先得到想要嘅！（扭計？）開頭都會！」
提到羊年願望，安仔希望以行善為主，四月會在無綫新劇夥拍楊怡化身末代御醫，問到是否再演奸角？他說：「都算係，會踩晒界去查明病因同捲入宮廷鬥爭！」問到可會寄望憑新角色「冧莊」？他自爆有意明年再爭視帝：「今年肯定唔會喇！製作新劇至快2016先播！或者我努力啲喺今年尾再拍多套，咁等下年就有兩套作品出戰！」
