古天樂與佘詩曼在新戲內「鴛鴦戲水」，鏡頭前Sweet爆卻有苦自己知，新片於情人節「高開」，台前幕後振奮不已，搞鬼的張智霖更表示期待古仔表演食榴槤慶功！

佘詩曼

李敏鎬（左）、 袁詠儀（右）

靚靚見到男神李敏鎬即興奮合照，Chilam只好無奈地幫手揸機。

古天樂、佘詩曼及張智霖（Chilam）等主演的《衝上雲霄》電影版於情人節率先舉行優先場，香港票房單日即錄得186萬，教台前幕後振奮不已。Chilam與阿佘昨到訪馬來西亞宣傳，即席主持「撈起」儀式，鬼馬的Chilam笑言要帶一個「貓山王」返港送給最怕食榴槤的古仔，更着對方於慶功宴上「表演」食榴槤！

唔怕傳緋聞

古仔與阿佘於戲中上演「翻撻情緣」，再續前緣後二人更「鴛鴦戲水」，古仔的42吋胸肌相當吸睛！但談到這場重頭戲時，古仔說：「好凍！仲要喺個水池底打燈，好驚觸電囉！嗰日喺間屋入面走嚟走去咁拍，又有強吻戲，都算劇烈運動。（傳緋聞？）我淨係拍電影，阿佘就電影、電視一齊嚟，都好少機會碰面，應該唔會喇！」

為營造浪漫感覺，古仔更自度了一場「幸福摩天輪」的戲：「兩個人相處係需要啲小情小趣。（有冇諗過將來點求婚？）好佩服依家啲人嘅求婚創意，不過我未必會咁做，起碼唔會喺幾十人面前跳舞先啦！」在旁的阿佘聞言即說：「有人求婚都好浪漫啦！」古仔即衝口而出：「年紀大有人求婚就好好。（你話阿佘老？）唔係，佢都仲好後生啫！」

靚靚作狀咀李敏鎬

另外，Chilam與袁詠儀（靚靚）出演的內地綜藝節目《一路上有你》，前晚終輪到萬人迷李敏鎬擔任特別嘉賓，這位「長腿Oppa」向靚靚送上熱情擁抱，氹得靚靚直呼「很喜歡你」及作勢獻吻，又叫李敏鎬喚她姐姐，並直指很期待與對方合作。