靚聲小天后泳兒（Vincy）於前晚情人節在演藝學院舉行《愛、情歌 泳兒音樂會》，染上金色配粉紅色頭髮的她，甫開場即演唱多首代表作，更透露將推出新碟。先後邀請嘉賓洪杰和側田上台合唱後，她再換上裸色連身短裙，演繹葉玉卿的《擋不住的風情》，更有趷籮和自摸等誘人動作，接着再被一名男Dancer摸腰和打Pat，非常火辣！臨近音樂會尾聲時，Vincy感性地回顧入行十年的點滴，期間語帶哽咽，之後更一度落淚：「上個月我第一次失聲，可能係上天畀我嘅考驗！」

穿上裸色連身短裙的泳兒大跳辣舞，惹火到爆！

泳兒與洪杰搭着膊頭合唱，感情好好噃！

中西合璧醫失聲

完騷後，Vincy表示鬆一口氣，提到失聲一事，她說：「1月中嘅時候把聲愈嚟愈沙，我覺得好驚，有不斷搵神醫同睇西醫食抗生素，但都冇用，前幾日有朋友介紹咗個女中醫畀我，把聲先開番啲！」她又提到當時心情非常失落，會發脾氣，更差點有情緒病，幸有男友陪伴，又表示情人節收到羽絨作禮物。