去年周潤發在賀歲檔創下佳績，兩套主演賀歲片《賭城風雲》及《西遊記之大鬧天宮》均大收，共收逾15億元人民幣，創下單一明星在同一檔期的票房紀錄，可見發哥仍極具叫座力。對此，他謙稱之前沒有想過，認為只是「巧合」：「冇幾可有兩套戲再拍埋一齊o架！好難！幾十年唔逢一遇。」他笑言很難再破紀錄，或許產量甚多的古天樂才有機會。

發哥去年主演的兩套賀歲片《賭城風雲》及《西遊記之大鬧天宮》大收兼創紀錄。

對於《賭》片去年中港兩地都高收，將上映的《賭城風雲II》有望再創新高，發哥最開心是再獲本地觀眾支持：「隔咗咁耐，賭神八九年到依家，陪過好多觀眾一啲開心日子，呢啲係集體回憶！（繼續拍港產片？）如果有導演覺得我啱用，即管帶挈細佬囉！（多咗好多片約？）唔算，除非大家覺得係發哥非做不可，否則唔會咁多人畀劇本我睇。」提到近年主演電影大賣，身家是否更豐厚？淡泊名利的發哥說：「身家？唔係嗰樣嘢啦！係去追求滿足感，同我影相一樣。」