殿堂級影帝周潤發年屆59歲依然魅力滿瀉，深得網友歡迎獲封為「長青男神」，入行40年的發哥多年來經典角色無數，至今仍企硬一線男星之位，絕對是香港演藝界的神話！發哥早前接受《東網》獨家專訪，笑言快將「登六」，不會再跟後生爭男神之位，最緊要是生活自在，他又慷慨分享成功心得及剖白紅足40年的感受。

發哥謙稱天時地利人和配合才紅足40年。

巨星周潤發近日為新片《賭城風雲II》四出宣傳，風趣幽默及Fit爆身形不遜後生仔，再次牽動全港市民的集體回憶，年屆59歲的發哥保養得宜，Fans層面遍布老中青，被網友封為「長青男神」！

早前發哥在北京接受《東網》獨家專訪，對於男神封號，發哥開心地說了三次「誇獎」，他謙虛地說：「我都就嚟『登六』（60歲）喇！仲有幾多年呀？學黎耀祥話齋仲有幾多個十年吖！哈哈哈！每個人都有風華絕代嘅時候，但我已經過晒喇！唔追求呢樣嘢！男神嗰啲留畀後生仔做啦！」

時勢造英雄

發哥又慷慨分享「不老秘訣」，他表示要早睡、少吃及多運動，不要太重視物質，長期處於開朗狀態：「我冇咩牽掛，冇細路，唔諗咁多嘢，自己冇擁有咁多嘢，個人就簡單，我車都唔要，自己行路，坐公車，生活平淡，冇咁多欲望，冇咩包袱，個人輕鬆，行步路都快啲！」

發哥於1973年18歲時參加無綫電視第三期藝員訓練班入行，逾40年來一直深得觀眾歡心，曾三奪香港電影金像獎影帝，經典作品無數，包括劇集《網中人》、《親情》及《上海灘》，電影《英雄本色》、《監獄風雲》、《秋天的童話》、《賭神》、《阿郎的故事》、《臥虎藏龍》、《滿城盡帶黃金甲》到近年的兩集《賭城風雲》等，他更曾到荷里活拍過多套賣座外語片，至現在仍坐穩一線男星寶座，非常罕有！回想起多年來的經歷，他說：「有幸人哋搵親你都係比較孭飛重啲囉！你話紅足40年，係咁啱天時地利人和，80年代之後電影低潮，我有機會去外國拍戲，到內地市場開放，又有機會返嚟，係一命二運三風水，全靠製作人、導演、編劇諗到角色適合周潤發做，否則點可能成日有角色畀人懷念？好大因素係佢哋，我淨係讀對白就得！」

五年後退休

至於成功之道，發哥認為演技及運氣固然重要，但更需要勤力、準時、高EQ及人際關係！問到是否有信心再紅40年？他笑說：「到時一舊（100歲）o架喇喎！一舊唔好做啦！我想做多五年就唔做！哈哈！」

（全文完）