歌手王梓軒（Jonathan）聯同薛家燕拍《心足－－我和叉燒有個約會》MV，他透露從歌詞「人間一粒米」想到MV可用上「黯然銷魂飯」，然後便膽粗粗邀請家燕姐以電影《食神》經典造型客串MV。家燕姐表示很開心有份拍攝MV：「嗰陣聽梓軒講MV Idea係『黯然銷魂飯』，我已經即刻『嘩！』之後我就諗到即刻搵埋成班Fans喺茶餐廳跳舞，咁樣一定爆！」她又稱特地為MV準備當年《食神》的打扮：「我特登叫人整番副眼鏡畀我，同埋搵髮型師整番個髮型。」

王梓軒與薛家燕拍MV玩「黯然銷魂飯」！

薛家燕為王梓軒重現拍《食神》時的造型及舞功！

對於家燕姐為MV如此盡心盡力，Jonathan笑言會親手炮製「黯然銷魂飯」請她食，又表示希望透過MV可帶歡樂給大家，以及突破自己太正經的形象。