張智霖（Chilam）與袁詠儀（靚靚）被《ontv東網電視》拍得相約好友慶祝結婚14周年，為答謝太太多年來風雨同路，Chilam出動一招名店「任碌」兼許下承諾，定於結婚廿周年舉行盛大派對冧老婆！

結婚14周年的Chilam與靚靚與眾同樂，與一眾好友狂歡後雙雙返歸。

飲飽食醉的靚靚與Chilam對記者提問的答法一致，盡顯默契！

Chilam

Chilam與靚靚撇甩8歲愛子張慕童，相約邱淑貞、沈嘉偉夫婦及蔡一智夫婦等在跑馬地歎法國菜，一行人邊飲邊傾至凌晨12時盡興而歸。High爆的Chilam與靚靚擁抱告別好友後，即登上停泊在餐廳外的法拉利跑車，臨上車前被問到送甚麼禮物給太太時，他們異口同聲說：「好多呀！」靚靚更補充：「好開心呀！」其實Chilam為賀結婚周年一點都不手緊，日前陪太太行街時更讓太太在名店任碌卡，他則負責簽名，果然是廿四孝老公！