賈思樂日前現身中環，為世姪女Caroline合作開辦的BB學前Playgroup中心撐場，他說：「我嚟為Caroline打氣，因為佢媽媽係我多年Fans，識咗好多年，已經變成朋友，可能我以前都做過兒童節目，對兒童教育有少少心得，所以今日佢個女開中心，就請我嚟。（客串教番幾堂？）或者啦！但佢未問我呀！我呢輪籌備緊年尾開騷，繼兩年前我成功請到露雲娜出山，今次再搵到一位會令觀眾喜出望外嘅嘉賓，詳情要賣關子，總之已經傾緊細節，一定有驚喜！」

世姪女Caroline開辦學校，賈思樂特來支持。