藝人車車（張紫櫻）日前到中環海濱歐陸嘉年華執行「特別任務」，她說：「今次去係想換隻迷你兵團毛公仔畀個朋友，因為佢好鍾意，雖然舖頭都有得賣，但呢個Size少見啲，所以我特登入場掟公仔！但我太渣啦！掟咗好多錢都唔中。後來遇到一對情侶，我見佢哋拎住成身公仔戰利品，個男仔又成個籃球健將咁，於是我就膽粗粗同佢哋講出我嘅苦衷，問個男仔可唔可以我出金幣，佢幫我掟公仔？佢哋好好人肯幫我，最終我都可以帶隻迷你兵團返屋企，朋友收到呢份禮物都好開心！」

車車攬住迷你兵團毛公仔，十分雀躍！