何浩文、許雅婷和唐紫睿雖然今個情人節冇情人陪伴，更要在工作中度過，三個人一起甜蜜地整棉花糖和打桌球！

Kabby（左起）、Dominic和Hazel均有刻骨銘心的情人節經歷。

今年工作排得密密麻麻的何浩文（Dominic）、許雅婷（Kabby）和唐紫睿（Hazel）忙得連情人節也要在工作中度過，不過三人均聲稱冇拖拍，只能回想過往情人節的浪漫情節。

Kabby表示過往的情人節也是與一班女生過，她說：「我都有最驚喜嘅情人節，就係有收過一個異性朋友嘅求婚戒指，但佢唔係我男朋友。雖然我好鍾意個隻戒指，但我最尾都冇收！」又自爆有女性追求者。

住家飯埋藏溫馨

而Dominic則回想起前女友曾經為他煮的一頓「住家飯」：「我好簡單！因為除咗我阿媽同阿婆之外，冇其他女人再為我煮過，所以好窩心！」情人節身在台灣的他說：「我新歌MV希望喺嗰邊拍，會搵個台灣女新人做女主角，係我自己搵嘅，睇台灣節目時留意到佢，對方已經應承咗！」問到會否有親密戲？他笑說：「拖吓手仔，錫吓塊面咁囉！」

唐紫睿愛雙魚男

Hazel可憐地說：「情人節冇情人啊！我係巨蟹座，聽講同天蠍、雙魚係最夾嘅，所以呼籲雙魚座男生約我食飯行街啦！」