Super Girls四出宣傳新碟，百忙中亦抽空聚一聚姊妹情。繼早前騰出空檔到樂園狂歡玩樂，情人節當前，幾位姊妹點都要再「甜蜜溫馨」一番。

SG好姊妹夾手夾腳炮製出獨一無二的「情人朱古力」，睇到都漏！

雖然製作過程殊不簡單，但有「愛」的呵護，自然得心應手。

日前她們相整朱古力提早浪漫，雖未有情人分享甜蜜成果，但於2.14推出新單曲專輯的她們已約定粉絲慶祝，自然不愁寂寞。正如新歌《蓓蕾》訴說，每位女孩都希望有一段刻骨銘心的戀愛，所以SG姊妹亦期望過一個浪漫的情人節，Jessica更想共度二人世界：「如果我有男朋友的話，情人節我希望可以同佢喺屋企玩吓煮飯仔。」而 Yanny則最想情人節可以是「粉紅色」：「所有嘢都瀰漫住粉紅色嘅感覺，就連空氣都可以Feel到愛嘅氣味！」