組合Super Girls去年各自拍劇及拍戲，2015年五人表示會集中火力在音樂上，對於在無綫《勁歌》頒獎禮慘食白果，五人未有氣餒及埋怨，揚言可能做得未夠理想，希望有朝一日能以實力踏上《勁歌》頒獎台！

青春活潑的SG，新一年繼續在樂壇發力！

SG無論各自還是合體工作都一樣掂！

Heidi收入比其他成員多，難怪笑開顏！

組合Super Girls（SG）憑健康形象及青春活力大受廣告商及導演歡迎，五人去年各自發展，成員Cheronna及Heidi拍無綫劇《女人俱樂部》，其餘三位成員Yanny、Jessica及Aka則拍電影，直至去年底終重聚演處女舞台劇，期間亦推出過兩首大Hit歌《I Belong To U》及《鎂光燈下》。

情人節出新碟

將於情人節推出新EP《蓓蕾》的SG近日四出宣傳，對於未能於上月舉行的《勁歌》頒獎禮分一杯羹，問到會否失望？SG說：「又唔係失望嘅，證明我哋要再努力啲，希望上台攞獎大家覺得值得畀我哋，認為我哋係實至名歸，相信有朝一日可以上到呢個頒獎台！」

Heidi賺得最多

問到今年會否各自發展？SG說：「如果大家嘅時間係可以分開工作都係好事，都係等公司安排，不過我哋唔會放棄唱歌同拆夥。」去年又拍劇又拍戲的Heidi被問到是否收入比其他成員多？她謙虛地說：「都可以講係，不過大家嘅收入都好平均。」