熱愛運動的無綫主播吳雲甫（Owen）近日愛上一種新式的操肌方法，透過跳小型彈床及在彈床上練平衡力鍛煉肌肉，Owen示範在彈床上舉重物、單手支撐身體、踏步甚至打觔斗等，難度十足！他大讚這項運動對鍛煉全身肌肉甚有作用：「平時我哋多數做Gym舉鐵，但只能針對局部肌肉，唔能夠共用全身咁多組嘅肌肉，久而久之打籃球、踢波都會生硬咗，但玩彈床會用晒全身，尤其係腹部兩側、大腿同小腿，啱晒練人魚線！而且靈活性會提高，我希望可以做到柔軟體操選手咁靈活又有力量。（介紹畀朋友？）有呀！男女都有，當然男同女嘅訓練方法會有唔同。」

吳雲甫在彈床上以單手支撐起整個身體，示範操肌新方法。