o靚模馮鎵瀠（Naomi）早前修讀催眠課程，畢業後她為朋友治療，嚴重脫髮的姚洛銘（Jason）即找Naomi打救，透過催眠找出壓力源頭及解決方法，Naomi笑言每晚都「自我催眠」，即時提升自信心！

早前修讀催眠課程的Naomi，順利成為催眠治療師，叻女！

Jason在整過催眠過程非常放鬆，絕對信得過Naomi。

馮鎵瀠予人感覺大剌剌，沒想到也有斯文一面，她早前修讀九個月催眠課程，畢業成為催眠治療師的她不時為朋友治療解困。Naomi坦言當時因感情不順，希望舊愛說出隱憂才學催眠，後來發現催眠可助人減肥及戒煙等，找出大家忽略的問題，她笑言每晚亦會對鏡「自我催眠」：「每日都會催眠自己，令自己更有自信、聰明啲、靚啲。（成功？）梗係成功！我依家嚴重地覺得自己勁靚、勁聰明、醒目，但有少少Too Much，我想分享畀其他人，唔好成日覺得自己係全場最靚嘅女仔！」

窺探潛意識

Naomi早前相約好友Jason進行催眠，為對方尋找嚴重脫髮的原因，Jason說：「因為今年喺內地拍兩套電影，休息呢段時間開始甩頭髮，我今年先得27歲，唔知點解係咁甩，好驚！好在我頭髮量多，但甩落去唔係辦法，髮型師話壓力係最大原因，但我自己都唔知壓力源頭，所以搵Naomi幫手。」Naomi則說：「用導入法可以令佢身體放鬆進入催眠狀態，咁就容易打開潛意識世界，睇吓佢睇到乜嘢，希望搵到壓力源頭同治療方法。」

催眠者喪喊

Jason在過程中對Naomi非常信任，躺在梳化上閉着眼睛閒談，在Naomi專業的引導下，Jason很快便進入催眠狀態盡吐心聲及所見畫面。Naomi事後指Jason脫髮原因是睡眠不足，因當日時間有限暫未找出解決方法，約需兩至三次、每次需時兩個半至三個鐘的療程，便可解決問題。她又指最深刻的是考試期間被催眠的朋友突然爆喊，原來Naomi釋放了對方的鬱結：「當場我都手足無措，即刻應用導師對我用過嘅方法。之前導師都幫我解決咗情感上嘅心結，令我放低執着，開心好多。」