天生外父相的林盛斌（Bob）懂得未雨綢繆，為3個寶貝女建立溫暖家庭的同時，更悄悄為她們準備好「嫁妝」，每人送上一層樓，令3位年紀小小的林小姐躋身百萬富翁行列，認真犀利！

Bob與友人開設廣告公司，更租用逾千呎單位兼花近百萬元裝修。

Bob很愛錫太太及三名女兒，更買定樓送給女兒。

工作繁重的Bob未有太多時間陪伴家人。

今年35歲的Bob思想傳統，扛起養家重責，家中6個女人（太太、3個囡囡和2個菲傭）還不時收到「驚喜禮物」，「貼心男」當之無愧。談到家中3位千金，Bob不諱言：「已經每人買咗層細細哋嘅樓送畀佢哋嘞！老實講，都係想佢哋日後條路易行啲啫！」

當全世界都在慨嘆「上車難」的同時，3位林小姐卻得天獨厚當上業主，認真羨煞旁人，然而身為好爸爸的Bob卻謙稱：「大嘅就買唔起喇！依家住緊嘅想搬大啲，不過暫時都係得個睇（樓）字，可能要遲啲先算。」

希望5年變4A公司

Bob與友人於牛頭角開設廣告公司，租用逾千呎單位且花費近百萬元裝修，對他來說原本投資不小，卻獲各界鼎力支持，令他非常感恩：「粗略估計生意已經搵到1年嘅租金，但同事嘅年薪只係Cover到一半，所以要再努力啲。我哋公司上下有11人，所以叫自己做『Winning Eleven』，我希望5年內可以變身『4A』公司，咁就Good Fit喇！」

工作動力來自家庭

工作繁重令Bob未有太多時間陪伴家人，最近更發生了一件事，令他非常內疚：「有個星期日終於有時間陪吓佢哋，但出咗去一陣就想返屋企休息，我太太堅持一家人出去食飯，食完嗰餐飯又真係幾開心，有時都會唔記得，自己嘅工作動力，其實係來自家庭。當然，我都想積穀防饑，日後可以早啲退休。」