影帝張家輝再獲導演王晶邀演賀歲片《賭城風雲II》，但家輝將「自己X王晶X賭錢＝化骨龍」的方程式打破，拒絕再演「化骨龍」式喜劇：「除非化骨龍有一個我意想不到嘅設計，先會考慮。」

家輝表示除非「化骨龍」的角色有突破，否則不會再演。

曾拍了不少賭片的家輝不喜歡賭博。

家輝（左）與發哥首次合作，大鬥演技。

影帝張家輝多年前受香港著名導演王晶賞識，成功在不少賭片中演活「化骨龍」式幽默，因而大受歡迎。家輝近年在「賭壇」絕迹，今次終有機會再獲王晶邀請在賀歲片《賭城風雲Ⅱ》中飾足智多謀的會計師，惟片中家輝絕少涉賭。

難再投入

家輝受訪被問到會否將「家輝X王晶X賭錢＝化骨龍」的方程式再搬上大銀幕時，他斷言拒絕：「如果係我就唔會接啦！我唔知係唔想定做唔番，如果你依家要我演化骨龍，除非化骨龍有一個我意想不到嘅設計，或者轉變有一個我意想唔到咁有趣、突圍嘅角色，先會考慮。（唔鍾意？）嗰個階段過咗，好似你唔會玩細個嗰時啲玩具，可能你會留念，但唔會再投入。」家輝表示自小便討厭賭錢，當年因王晶遇上「化骨龍」是命運的安排。

談到《賭》片的拍攝過程時，他坦言拍得輕鬆又豪華，今次的角色對他而言亦倍感新鮮，他說：「好意外晶哥咁設計畀我，好斯文，又唔洗打。最初奚仲文幫我整呢個造型，我都認唔到自己。」他又透露因應角色的三件頭西裝造型，以及泰國炎熱的天氣，在劇本外自行加手巾仔以增強演繹時動作的流暢度，使演出能更加自然。

冇陪行山

今次在《賭》片首次與周潤發合作的家輝大讚發哥人隨和能感染團隊，發嫂更不時帶食物給他們，不過家輝卻未能應約陪發哥行山，他說：「大家都知佢老人家鍾意行山，但我工作又比較困身，暫時都係冇機會。」