王宗堯與雨僑這對型男索女組合經常拍住上，關係恍如家人的他們絕不會傳出令人失笑的緋聞！作為演員，他們各有理想對象，當遇上親熱戲時，他倆揚言會為另一半提供百分百安全感，絕對冇有怕！

型男索女王宗堯與雨僑雖然合作無間，卻從未傳出緋聞。

雨僑唔介意帶男友見家長，羅力威收到？

拍親熱戲時，雨僑會主動向男友交代尺度，再影相讓對方安心！

雨僑（Ava）及王宗堯（Gregory）合作無間，Greg笑說：「我哋有以下嘅聲明，我同雨僑小姐正式宣布離婚，今日喺度通知大家！」其後他們各自分享理想對象，Greg開Ava玩笑：「識唱歌嘅？」Ava回應：「識唱歌係Bonus，我鍾意文靜嘅人，因為本身我多嘢講！一段關係應該一個凹一個凸，同埋要善良同顧家，脾氣溫馴！」

百分百安全

身為演員難免會有親熱戲，Greg語帶遺憾地說：「係囉！點解我哋兩個冇拍過？不過我有睇過你親熱場面，哈哈！」Ava希望另一半理解其演員身份，Greg則指女友若介意是在所難免，但他會抽離角色給予另一半安全感，Ava對此甚為認同：「離開場口嘅時候，你點對待戲中對手要拿捏得好清楚！例如我拍親熱戲時，點解唔會有緋聞呢？因為我同對手Keep到個好清楚嘅關係，而且我會報告，又會Send吓相交代尺度，影埋周圍嘅環境令佢安心！」談到拍過《夜蒲》系列的他們會否介意另一半夜蒲，他倆有相近看法：「夜蒲唔係壞事，係娛樂之一，只係去Relax就可以接受。」

拍拖要低調

已到適婚年齡的他們對見家長的態度亦相當Open，Ava說：「遇到好合適嘅即刻見都冇問題，會有最基本嘅禮貌，不過唔會太造作，想畀佢見到最真實嘅自己！結婚我一定會講，拍拖就唔會好高調。」Greg笑言見家長會「公開」曾拍攝的情慾戲：「我會準備自己拍嘅所有情慾戲，睇吓外母係咪接受到先！如果關係已經好穩定，一齊得舒服就可以公開，加上依家周圍都係人，想公開之後畀多啲空間自己同女友拍拖，唔使再左閃右避！」