吳君如在賀歲片《12金鴨》中扮型男，她笑言拍攝時不斷自我催眠是「型男」，每天回家都叫女兒讚她「好型」：「個女都覺得阿媽好有問題，上年為戲個胸大到38G，今年又變男人。」又稱未能抽離，每天都自覺英俊！今次找來BabyJohn、姜皓文和劉浩龍做靈魂人物「三色鴨」，她解釋因BabyJohn外表俊朗斯文，做鴨令觀眾有更大想像空間，又說：「劉浩龍唔應該停留做警察！姜皓文過往只演出硬朗反派，希望金鴨可以一改形象。」

BabyJohn則大讚君如演技出色：「我邊夠佢咁靚仔咁型喎！佢見過咁多靚仔都搵我加入鴨仔行列，真係好多謝佢教我好多！」