59歲的影帝周潤發大晒結實肌肉，於新片中赤膊上陣打泰拳，雖只是短短幾分鐘的片段，原來他背後苦練操肌，預告片曝光後，粉絲都為其結實肌肉懾服，驚嘆比後生仔更有睇頭！

發哥做任何事都十分認真，攝每一張作品如是，拍每一齣戲亦如是。

發哥變「肌神」打泰拳，身材仲Fit過後生仔！

發哥笑言如果不想被人認出，便會做蒙面俠，十分搞笑！

發哥為主演的賀歲片《賭城風雲Ⅱ》操肌，其中一幕赤膊打泰拳更是「真材實料」上陣，更為此由約180磅減至150餘磅！

食冇味火雞肉

減磅後的發哥肌肉更見明顯，他說：「剛開工嘅時候已經有搵教練幫我做啲肌肉訓練、體能訓練啦！唔係點樣應付打兩日呀！（減磅同操肌、食嘢同運動方面有冇唔同？）食嘢不嬲都係少食多餐，但因為要肌肉，所以食番啲蛋白質，例如火雞肉、火腿、肉類，但都係白烚，冇咩味！」

問到是否滿意其上鏡身形，發哥說：「真人睇係瘦囉！上鏡啱喇！（粉絲擔心你太瘦！）出鏡好睇咪得囉！」他又笑言並非想練超爆身材，故訓練過程優悠自在，只需增加運動量及繼續行山：「做橡筋嘅訓練、掌上壓、下盤嘅工夫！全部都係『輕擎』啲嘅，唔使舉鐵。」

《東網》播專訪

《東網》「捕獲發哥」專訪系列視頻，今天將推出的第5集，發哥會與大家分享他的喼Fit心得及爆肌歷程，大家不容錯過。