梁烈唯去年初與太太Tina註冊結婚，據知兩人將於5月底在洲際酒店豪擺50圍，設宴招待親友。本報日前拍得唯唯到眼科專科診所就醫，事後致電慰問，原來患眼疾的他經安排下本月中原要接受手術，但覆診後，醫生表示可靜待自然康復，他與太太才放下心頭大石：「之前眼球入面黃斑位有水泡，要修正畸形血管，手術有一定風險，但尋日覆診醫生話依家可以唔做手術，心情都好好多。」

唯唯到內地登台吸金，5月將豪擺50圍宴請親友。

唯唯日前到眼科診所覆診，幸眼疾並無大礙。

問到在洲際豪擺50圍，是否早前密密到內地登台賺到一大筆？他說：「絕對唔係，都未有一舊錢可以買樓，酒席都貴，但人生最大嘅兩個Party就係結婚同瓜老襯，點都要做好啲！」他又透露邀得兄弟袁偉豪做伴郎，至於司儀則由阿Bob擔任，提到對方又搶手又貴，唯唯笑說：「我唔會畀錢佢！淨係叫佢Mark個期畀我咋！」