徐濠縈（阿徐）與好友Dorothy Hui合資的時裝店昨日舉行開幕酒會，阿徐的好友都有撐場，包括歌手葉佩雯、何嘉莉、杜如風、設計師何志恩及潮人黃偉文等。阿徐透露這是第3間開設的時裝店，因舖租不平會努力工作。她又表示情人節未有任何計劃，亦不清楚老公陳奕迅（Eason）會否送上驚喜，但大讚老公經常炮製驚喜，昨日才送上一束鮮花，卻不知道其新店開張：「以為束花係賀我新舖開張，原來佢都唔知！佢係之前激嬲咗我，所以送花氹我。」

阿徐的新店昨日開張，黃偉文亦有到場潮撐老友。

何嘉莉（圖）與杜如風賀阿徐開張大吉。

杜如風

阿徐又透露新年會到東京跑馬拉松，Eason與女兒亦會前往當地會合：「佢哋會喺終點等我，希望佢見到我衝線啦！佢次次都等唔到我，之前我去名古屋跑馬拉松，佢搵唔到路，又掛住吹水同食嘢，所以錯過咗，但佢嚟為我打氣已經好開心！」