無綫劇集《公公出宮》原定由蔡少芬擔任女主角，但現時由於檔期問題不能拍攝，故由胡定欣升呢坐正「女一」演霸氣大當家。

胡定欣升呢女主角兼與黎耀祥再度合作，開心不已！

蕭正楠（左）踢爆曹永廉試戴Bra扮女人非常投入得人驚！

黎耀祥、胡定欣、姜大偉、蕭正楠、曹永廉及林夏薇等昨日出席無綫劇集《公公出宮》造型活動，在去年節目巡禮時，劇集女主角原定是蔡少芬，但劇集延遲開拍，蔡少芬因檔期問題未能拍攝，最後角色由定欣頂替，定欣開心地說：「係緣分，冇話頂唔頂替嘅，好珍惜今次同呢個班底合作機會。」她在劇中扮演霸氣男人婆大當家，嚇怕劇中所有男人，更希望劇集能成為台慶劇！

黎耀祥唔怕做公公

至於黎耀祥扮演出宮公公，角色要娘娘腔，他坦言沒有難度：「冇乜問題，以前都扮過，唔係特別難。（驚唔驚甩唔到角色？）唔會，甩唔到都唔怕，我都有個仔咯！」講到劇集除了缺少蔡少芬，「太監五虎」亦缺少了黃浩然，他說：「差少少啦！黃浩然撞咗劇，本來12月開，依家延遲到2月。」

曹永廉戴Bra扮女人

曹永廉在劇中最為娘娘腔，更有一個女裝扮相，蕭正楠即踢爆說：「佢試Bra扮女人好投入、非常得人驚，我驚佢拍完會『出櫃』。」曹永廉更笑言向定欣借Bra扮女人。問到蕭正楠其女友黃翠如會否到開平探班？他說：「我應該會同曹永廉一間房，睇吓佢肯唔肯讓床位啦！」問姜大偉是否負責箝制百厭女婿曹永廉，他笑說：「佢箝制我先真！」

此外，上周大結局的劇集《師奶Madam》成績相當好，平均有28點收視，最高更有29點，如此佳績，未知蕭正楠與黃翠如會否情侶檔開拍續集！