藝人楊穎（Angelababy）昨日出席《海港城新春抱抱財神活動》，表示今年新年會與男友黃曉明到美國旅遊，但情人節因要在上海工作，會否一同慶祝則要看緣分：「終於可以講係同男朋友去旅行，以前好驚講，陪佢去美國做嘢，初一同初二就去青島探佢屋企人，都見過好多次。」而本月28日生日的她，談到去年獲男友送贈名車時，指今年希望可以反璞歸真：「上年一直想買過架車，但佢未試車就送咗畀我。（今年要求婚戒指？）都唔係嘅，有消息會話畀大家知，唔好催我，你哋催完我又到第二班人催我。」

Baby向財神「投懷送抱」。