「Cool魔」張智霖（Chilam）在電影《衝上雲霄》中情歸郭采潔，第一天拍攝便是情「浴」戲！Chilam與采潔在英國豪宅內拍浴缸纏綿戲，當時天寒地凍，一拍就是8小時！埋位前采潔隊香檳壯膽主動配合，令Chilam大呼尷尬：「第一個鏡頭係畀佢勾引，第二個就親熱，佢咁主動，老實講Cool魔有啲尷尬！」又自爆拍攝時很狼狽，要用腳頂采潔下身：「佢好似鐵達尼號咁一直向下沉，於是我用腳頂住，上面好浪漫，下面好狼狽！」戲中女友受病折磨，他不禁落淚：「諗番由邂逅到拍拖嘅情節！」另他與袁詠儀昨日結婚周年紀念，二人自拍短片晒溫馨。

Chilam與郭采潔共浴又咀嘴，原來背後非常狼狽！