熱戀情侶蕭正楠與黃翠如前晚宴請無綫劇集《師奶MADAM》一眾演員包括曹永廉、簡慕華及謝雪心等於尖沙咀食飯兼齊齊欣賞大結局。 曹永廉起哄要求蕭正楠與黃翠如現場演繹劇中錫錫場面，兩人表現尷尬耍手擰頭。

蕭正楠與黃翠如孖公仔現身，希望開拍續集。

《師奶MADAM》一眾演員齊齊食飯睇大結局。

他們均表示希望開拍續集，對於網民嫌親熱戲不夠，蕭正楠笑說：「唔夠先有機會開續集，拍嗰陣都幾尷尬，依家睇番都幾Sweet，續集咪寫我哋結婚，再下集就寫我哋生BB。」

黃翠如也希望原班人馬添食，她說：「拍嗰陣我哋未一齊嘅，佢怕我拖累佢，所以教我好多。」