朱咪咪一連兩場的紅館演唱會《朱咪咪我做晒演唱會－香港站》前晚舉行頭場，咪咪姐發揮一貫搞笑本色，當有歌迷送上500元紙幣給她時，她毫不顧忌直接將紙幣攝在胸前，非常豪邁，她更首度公開與嘉賓馬德鐘的親戚關係！

咪咪姐以婚紗造型上陣，高貴又搞笑！

收歌迷利是的咪咪姐笑說要攝在胸前。

咪咪姐和馬德鐘公開「堂叔嫂關係」，合唱一曲。

咪咪姐扮徐小鳳獻唱，非常經典。

胡楓（右）及譚炳文的「都敏俊頭」令人笑爆嘴！

朱咪咪一連兩場的紅館騷前晚開鑼，一眾歌迷向咪咪姐送上利是，穿閃鑽低胸衫的她笑說：「平時攞到利是會攝落心口，今日攝唔到。」她換了另一奪藍色公主裙走到台邊與觀眾握手及拍照，當中有歌迷即場送500元紙幣給咪咪姐，她隨即笑問：「你依家攞錢撻我呀？撻我都用隻色揚啲吖，金色啦！」雖然口說「嫌棄」，但她終於有機會將紙幣豪氣地攝在胸前，場面搞笑！

與馬德鐘係堂叔嫂

今次演唱會咪咪姐碌盡人情卡邀請多位嘉賓，先有好友胡楓及譚炳文梳了「都敏俊頭」現身，引得咪咪姐用唔鹹唔淡的韓文招呼兩位「Oppa」，笑言髮型似剛瞓醒的譚炳文笑說：「個肥婆叫緊我哋，仲講粗口添！」咪咪姐即反擊：「我講『嗲』係Yes咁解呀！」她更請來馬德鐘合唱，其後咪咪姐上台，他竟突襲叫「阿嫂」，咪咪姐亦解釋：「真係叔仔嚟！咁多年只合作過一套劇，仲要冇對手戲。」首度公開「堂叔嫂關係」的他們更合唱近期大熱的《相逢何必曾相識》。