玩具大王蔡志明新抱汪圓圓自前年下嫁蔡加讚後火速有孕，於去年誕下愛女，昨日是她產後首次出席「情．尋朱古力@海港城」活動，除分享跟朱古力有關的甜蜜故事外，又透露囡囡近況：「都有年半冇出席公開活動，BB都就嚟5個月大。（識轉身？）佢想但轉唔到，可能太肥啦，有成16磅，差唔多5個月大已經要着6至9個月嘅衫，好高大！」湊女定必親力親為的圓圓大呻當中的辛酸：「一開始個人會瞓少咗好多，半夜醒幾次，佢依家就乖啲，可以一覺瞓天光。」

產後首次亮相的圓圓精神飽滿，有女萬事足。

舒淇擔任品牌的開幕嘉賓時不忘嘗了一口朱古力，甜入心！

另外，擔任BVLGARI品牌大使的性感女神舒淇與荷里活男星Luke Evans，早前專誠到訪品牌位於海港城的全新香港旗艦店，他們又推介情人節限量版「SAN VALENTINO 2015 “LUI E LEI”」、一盒兩粒的「他與她」朱古力。