上月在美國與「網球王子」洪立熙秘婚的吳雨霏，昨日以性感Deep V裝及300萬行頭出席記者會，她自爆當日求婚變結婚，連婚戒都欠奉！

低胸上陣的Kary手執鮮花及不時甜笑，難掩新婚的喜悅！

「三喜臨門」的Kary坐住大紅花轎出場，認真「紅」運當頭！

獲老公洪立熙親手打造鑽戒的Kary，自爆5分鐘的秘婚過程。

新婚的吳雨霏（Kary）於本月一日與拍拖8年的老公洪立熙從美國回港，唱片公司昨日特別為她舉行「三喜臨門」記者會，並安排大紅花轎抬她出場。身穿金色Deep V長裙的Kary容光煥發，配上300萬元鑽飾及無名指上的求婚巨鑽，閃爆登場。

公司似嫁女

司儀在台上宣布首樁喜事是Kary與環球唱片再續約，並進行簽約儀式，Kary一時感觸說：「好感激公司喺我唔開心時畀咗好多支持同鼓勵，今日仲咁用心搞呢個記者會，好似嫁女咁，好感激大家！」其後Kary宣布第二件喜事：「我結咗婚啦！成件事都好Surprise，同佢8年入面經歷好多高高低低，發現最尾都可以一齊走落去，呢啲係好值得珍惜，亦好想同大家分享。」最後一喜則是Kary於本月15日舉行音樂會。

暑假補擺酒

Kary受訪時談到手上的巨型求婚鑽戒，她指不清楚卡數，但最開心是由老公親自設計及深知她喜歡復古款式。問到為何不戴婚戒？她說：「其實未買，佢原本諗住求婚，所以喺美國註冊簽字過程都係5分鐘，連證婚人都話未試過咁快完成，因為冇交換戒指只係簽字，但簽名個格位好細，又唔可以簽出界，所以簽嘅時候手都震晒！」她透露會在港補擺酒，但日子未定，大概是暑假。問到是否已一齊住？她說：「都可以咁講，咁結咗婚嘛！會慢慢物色地方。（過二人世界？）慢慢物色吓啦！（傳你有喜？）唔係啦！啱啱同公司續約啫，但公司冇話唔畀，順其自然啦！」