謝天華前日喜獲麟兒，其圈中的星爸級好「兄弟」陳小春、朱永棠齊送上祝賀，小春在電話中說：「恭喜晒，祝BB同佢老竇一樣型英帥靚正。（送乜禮物呀？）唔使啦！我同天華唔係咁現實，唔講物質嘢，不如我送我啲湊仔秘技畀佢，呢啲絕招先係無價寶。」

朱永棠（右起）與陳小春祝小天華似老竇咁有型。

洪天明希望小天華快些長大。

伊健透過經理人公司發言人送祝福。

至於已育有9歲半及5歲女兒的朱永棠在電話中指已微信天華送祝福，望小天華快高長大，成長後和爸爸一樣有一身好舞功。問到可會傳授育兒心得？他認為人父母應多抽時間陪伴仔女，他打算約天華見面時再大談湊仔經。另一已婚，但未有小朋友的好友鄭伊健則透過經理人公司發言人表示：「恭喜晒。」

而「好爸爸」洪天明則笑對方遲早淪為「小丑」：「每個家長無論點Chok，對住BB都會變小丑！」他坦言樂意向好友教路，更叮囑對方於流感期間避免讓太多人探望BB：「我叫佢有咩需要隨時問我！依家流感高峰期，都唔好畀太多人探BB，就算探都隔住玻璃。」