黃浩然昨日出席《福特全順（Transit）Connect的士》發布會，提到謝天華太太誕男嬰，浩然笑言對方有排捱：「生仔好活躍，生女會好啲，因為我啲小朋友同林嘉欣個女同校，見到嘉欣行開再行返番嚟！佢個女都仲坐喺度，女係會乖啲、靜啲。」他又自爆曾不慎將劇本留在的士上，要「懸紅」一千元才失而復得。早前患貝賽特氏症入院的他指病愈後暫時性戒煙，希望為肺部「留Quota」。

黃浩然笑言生女會乖啲、靜啲。

黃長興（左）計劃到法國旅行時「造人」，洪卓立則希望事業穩定才結婚。

另外，黃長興昨日錄影節目《家家有喜事》時表示會跟天華分享湊仔經，又說：「歡迎佢加入Daddy Club！」育有一女的他坦言想追多個仔湊成「好」字，更打算七月到法國旅行時努力「造人」。同場的洪卓立坦認與女友湯怡半同居，問何時結婚？他說：「老實講都走唔甩，等事業穩定啲，有更加多保障先。」