富商鄭躬明太太陳君宜（Qinnie）懷孕八個月，月底便榮升媽咪的她，早前抽空購買嬰兒用品，她笑說嬰兒用品買極都買不完：「始終第一次做媽咪，好多嘢都要買，但係最初真係一頭霧水，入到嬰兒用品店，我連要買乜都完全冇概念。」見她在店內不停挑選藍色衫仔，令腹中塊肉的性別呼之欲出，她承認懷着男孩，又說香港的BB衫選擇不多，故平日愛網購。

Qinnie覺得香港的BB衫選擇少，故會網購。

提到分娩日期愈來愈近，她表示有點緊張，原本打算順產的她，最後決定擇日開刀，但開刀日期跟預產期很近，為免BB提早出世，她決定開始閉關：「我依家唔敢郁咁多，因為怕早產，所以盡量行少啲，前幾日肚痛，我以為生得，睇醫生話未生得住，開咗啲安胎藥畀我食。」